Atanukana mak tipatshimuna

Uauitamᵘ utshimashkueu Mani ka ishi-takuanniti utshimau-atauitshuapissa nete uashka Matimekush mak nete Labrador.

Mishta-auassiuishapan ka tshishkutamuakanit kassinu nutshimiu-atusseunnu. Tan tshe aitutuat aueshisha, tshe ishi-assimet mak tshe itenuet nutshimiu-mitshiminu. Mishta-mashkuanipan atusseunnu, mishanipan eshpish animannit mukᵘ anutshish, tshissenitamu eshpish mishta-minu-minikut ukauia. Mishta-minu-apashtau anutshish.

Mishta-auassiuishapan ka tshishkutamuakanit kassinu nutshimiu-atusseunnu. Tan tshe aitutuat aueshisha, tshe ishi-assimet mak tshe itenuet nutshimiu-mitshiminu. Mishta-mashkuanipan atusseunnu, mishanipan eshpish animannit mukᵘ anutshish, tshissenitamu eshpish mishta-minu-minikut ukauia. Mishta-minu-apashtau anutshish.

Katshi nipauht ekue kushpiht, katshi nipaianiti atikua unapema napinnit ekue nashipeht. Kau ekue kushpiht tekuatshinnit.

Umisha Nishapet tipatshimushtakupan Mani, uapataminishapani ka mishta-shiuennanunit shashish mukᵘ uin e tshissitutak, shash apu ut mishta-shiuennanunit. Peikuau e nutepaniht mitshiminu, mueshapanat namesha ka pashuniti Nipaiamianannu, nasht apu uitshipuakue uin Mani.

Uauitamᵘ utshimashkueu Munik nishuau ka shiueniht. Ushkat shaueniht, uishkatshana muenishapani uikanisha tshetshi inniuniti. Minuat shaueniht, takuannishapan tshetshi natahk mitshiminu. Tekushinniti ushtesha, petanua matshi-tipatshimunnu.

Miam Nipaiamianan, mishta-apatanupan iapit ne kanishtuminashtakan.  Mishta-atussenanuipan, aieshkupinanuipan.  Ekute, katshi aiamianuti, ekue matapenanipan, tshitshipitinanipan.  Utshimashkueu Jourdain tipatshimu ka aitinanunit nete nutshimit, meshta-apatannit nenu e aitinanunit nenu e nishtiniti minashtakana, nikamunanu, mitshishunanu ekue nashipenanut.

Uauitamᵘ Mani eshinikateniti kapatakana/pakatakana iapashtaht kueshpiht mak etenitakuniti kassinu.

Mitshetuait aitapatshiakanu atikuian. Katshi tshishinakanit mak uishkushauakanit, pishakanassina mak akupa tutakanua. Ekᵘ ne e tshikassit ushakai, uashkashuakanu ekue tutakaniti pishakaniapia tshetshi assimenanut mak kushkanipia tutakanu. Ashtish ne uin, sheshtakuiapi itapashtakanu usham shukapekan. Mishta-mautapanat nenua kukuminashat.

Uauineu Marie Mckenzie Katshimaitsheshua ekue tipatshimat tshishennua ka matenimaniti peikuau.

Uauitamᵘ Mani apishish eshinakuannit nenu kushapatshikannu. Uapatamushapan peikuau e tutakannit.

Apu uapatamukue uin kushapatshikannu, nenua ushkat unapema Pien uapataminishapani. Mukᵘ tshiam mishtikuai apashtakanipan etutakaniti kushapatshikan. Anutshish, mukᵘ tshiam ka teueitsheuti etaht.

Ben Mckenzie uauitamᵘ nenu shakaikannu Matshi-nipi, anite kuakushuakanashkuat ka tshimashuht. Eshkᵘ anite Uepishtikueiau-assit tananu, ekᵘ neme pemutenanut pakatakan, shash nete tananu Akamassit/Labrador. «Takuan tshetshi ishpitenimakanit ne kuakushuakanashkᵘ, eukuan an ka uitshiuet tshetshi utitaikannit nenu shakaikannu» iu.

Mishanishapan eshi-uapatak utshimashkueu Munik, animannishapan miam e shinuennanut. Takuanipan nanikutini nasht eka tshekuan tshi nipatakanit.

Mishta-atussenannikupan nanitam, mishta-atussepan auen. Ekᵘ anutshish nin, shash tshekat nishuasht-tatupipuna apu tshekuan tshi tutaman, mukᵘ nitapin, mukᵘ nimitshishun mukᵘ tshiam. Ueshkat nete nutshimit etaian, apu ut ishinakuak, nimishta-papamuteti, mishta-katakᵘ nitituteti. Mishta-kashtshi-tipishkapan tshaueiani. Mauat ma auen nita nika ut matenimau tshetshi nutshikut. Peikuau anite nitamishetshipan tanite mishta-kashti-tipishkau, tshissekau anite etuteiat. Nishtesh Mishen an nuitsheuau. Nitshiuenan an. Nasht pessish apu nukuak.

Mishta-nitau-nataunipani Mani ushtesha, Napessisha. Mitshet eshinakushiniti aueshisha mak namesha nipaienipani. Nenu kutakanu tshekuannu miam nushkuaua, takuannipan tshetshi natahk nete katakᵘ niutepanitaui.

Netshishkatutaui innuat nete Minaikut, mamu mitshishupanat, niminanuipan. Minuenitakuanipan.

Utshimashkueu Mani tipatshimu ka kushtat peikuau, nete nutshimit etat, tshetshi matenimat katshimaitsheshua. Matenimakannishapani anite pessish uatshiht.

Uauitamᵘ Mani ka uitshiat utauia e nipaianiti amishkua pepunnit.

Nete nutshimit mishta-shiuennanishapan neme pipun 1941: pineu apu tat, uapush kie, namesh apu kutak. Napaiamiananut, mukᵘ peik pineu muakanu, nishunnueshinanu ma. Uauitamᵘ ashit Ben Mckenzie tan ka aitinanut napaiamiananuti nete nutshimit. Shash nenu uauapatamᵘ innu tekuatshinnit tanite tshe natshi-nipaiamiat.

Tipatshimu Marie Mckenzie tan ka aitinanut neme tshe nipaiamiananut mak tshekuan etutakanit neme tekuaki Nipaiamianan.

Utshismashkueu Jourdain tipatshimu ueshkat ka shiueniht uin, unapema kie utauassimuaua. Ushikushinua unapema, animunua. Apu tshekuannu nipataht. Ekue tshek nenua unapema ekue tshiueniti, nashipenua. Tshitapameu unapema tshiaueniti mak nenua utauassima apu shapishiniti, minieu mani nipinu. Tshek ma ekue nipaiat pineua ekue tshi apishish ashamat auassa tshetshi eka akushiniti. Ashuapameu unapema, nipitshe nana itenimeu. Ui tshiueu kie uin nete innu-assit. Miam tshipa tshituteuat ekue petahk tshekuannu. Tshekuannitshe!

Pepuk peikuau, ninashipepitshitan, apishissishipan nishim Pinamen. Nanitam kusseu Napessish. Eshakumitakussiniti peshueu namesha tshetshi mitshishuniti ushima. Manaikannu upimim ne namesh tshetshi ashamakanit ne nishim Pinamen. Nuash eshpish matapenanunit takuannu umitshim ne nishim.

Tipatshimeu utshimashkueu Mani peikuau ka nipaianiti ushtesha mitshet atikua. Nutim ekue tshishi-aitutuetshe nenua atikua, ne ushteshimau, ekue anetshe teshipitakanit. Innua ekue takushinikueni, shiuenishipanat. Ekue uapatamutshenat nenu uiashinu. Mishta-minuenitamutshenat. Ekue tshi mitshishuht.

Munik utauia uteminishapani. Tipatshimeu nenua atimua ka tshiuepatuaniti pineua nete ka uitshiht. Apu muat itakanu ne atimᵘ, at ma shiuenikupan kie uin. Tshiuepatuau nete uatshinanunit.